香港新浪網 MySinaBlog 精選話題工具
« 上一篇 | 下一篇 »
Shirley | 24-Feb-08, 1:07 PM | 烹飪 -- 小百科 | (20096 Reads)

真空煲的用法

 

很多人家中都有真空煲, 貪其方便省時, 又不用睇火, 但總覺得煲出來的味道跟明火相差甚遠.

 

其實只要用得其法, 用真空煲也可煮出明火味道

真空煲主要由兩部份組成: 一個鋼的內鍋和一個保溫外層. 食物首先通過正常途徑在內鍋加熱煮熟, 然後, 內鍋連食物一起被放到保溫外層之中. 保溫外層的設計是使熱量流失減至最少, 食物與外界環境絕熱,被長時間保持在高溫之中.

 

所以, 用真空煲煲湯, 便應像平時煲湯一樣, 要用大火煲半小時, 然後將鍋放入保溫外鍋內, 代替了慢火煲的時間, 臨吃前拿出內鍋, 大火煲半小時, 下鹽調味便可煲出靚湯.

 

一開始用大火煲最少半小的, 才能確保斷熱後真空煲內的溫度仍然能像明火慢火烹調時一樣高; 而臨吃前再大火煲半小時, 材料的味道便走出來了.

 真空煲實在我廚房中一件不可少的法寶, 除了省時方便又環保, 煲湯炆餸皆可, 而且可以早一晚煲好第二晚的湯, 然後在臨吃前取出, 這樣便可晚晚有老火湯啦~

[16] 真空煲

真空煲真的可敦!敦!


[引用] | 作者 maidy | 19-Jul-11 4:57 PM | [舉報垃圾留言]

[15]

唔該哂你呀!!
係呀, 記得要小心身體喔~


[引用] | 作者 紫紫 | 01-Dec-10 5:44 PM | [舉報垃圾留言]

[14]

Hihi,

你好呀, 我都想用真空煲燉雪梨, 但唔知內鍋應該要放幾多水先至於燉盅? 因為我知道真空煲有保温效果唔可以放太少水。唔該哂你!


[引用] | 作者 紫紫 | 01-Nov-10 3:36 PM | [舉報垃圾留言]



唔好意思, 懷孕很攰, 所以現在才覆你

用真空煲都係放番同平時一樣咁多水

將真空煲內煲注入適量之清水煮滾後把準備好材料放入煲內, 續煮滾 10 ~ 15分鐘;

將內煲移入真空外煲內, 斷熱烹調2-3小時即可.

[引用版主回覆] | 作者 Shirley | 15-Nov-10 11:07 AM

[13]

shirley,

唔該晒,等我去睇下先。


[引用] | 作者 ching | 31-Dec-08 9:46 AM | [舉報垃圾留言]

[12]

ching:

我是用Thermos的, 我的朋友和家人一致認為它是最能保溫又夠襟用的牌子.

Shirley
[引用] | 作者 Shirley | 30-Dec-08 6:03 PM | [舉報垃圾留言]

[11]

hihi,

你好,我是路過的..我近日想選購真空煲,剛好發現你這篇文章提供了不過有用意見。

因市面太多選擇,我不知怎麼辦,所以想問問你用了五年的真空煲是哪個牌子?謝謝回覆

Ching


[引用] | 作者 ching | 30-Dec-08 5:52 PM | [舉報垃圾留言]

[10]

小咪:

真空煲可做燉湯, 只須像平常燉湯一樣, 將內鍋注入水, 加上蒸架煲滾, 另一方面將燉品放入燉盅內, 注入熱水, 當內鍋的水滾後, 便可放入燉盅. 用大火煲約半小時, 便可將鍋放入保溫外鍋內燉, 代替了慢火煲的時間, 臨吃前拿出內鍋, 大火煲滾便可.

用真空煲做燉湯, 除可免卻睇火, 慳煤氣之餘, 更可避免煲乾水呢!

Shirley
[引用] | 作者 Shirley | 12-Nov-08 4:02 PM | [舉報垃圾留言]

[9] 真空煲可做燉湯嗎?

真空煲可做燉湯嗎?


[引用] | 作者 小咪 | 10-Nov-08 2:58 PM | [舉報垃圾留言]

[8]

Cathy,

外鍋內是會有倒汗水, 只要每次用完後都抹乾便可.

我的真空煲也有這種情況, 我那個已用了5年, 依然好好呢!

要一開始用大火煲最少半小時, 熄火後要馬上取出放入外鍋, 才能確保斷熱後真空煲內的溫度仍然能像明火慢火烹調時一樣高; 而臨吃前再大火煲半小時, 材料的味道便走出來了.

Shirley
[引用] | 作者 Shirley | 19-Aug-08 10:13 AM | [舉報垃圾留言]

[7]

Hi, Shirley,
我都買了一個真空煲, 昨晚依sales指示清洗內鍋, 內鍋用洗米水煲滾, 熄火後等待約五分鐘才將內鍋放入外鍋內, sales說也可將廚房用的抹手紙放入外鍋的底部, 期間好奇打開蓋子看看, 發現外鍋內有倒汗水, 我即時已抹走水份, 到第二日放工先將內鍋取出, 同樣發現昨天放入外鍋內的抹手紙已濕透, 因為外鍋內不可有水份, 若長期給倒汗水影響會縮短鍋的壽命...我想問你的真空煲也有此情況出現呢? 是否正常呢? thanks


[引用] | 作者 cathy | 13-Aug-08 1:21 AM | [舉報垃圾留言]

Next